Að tilnefna á ný til víglsubiskupskjörs í Skálholti

Ný sýn til Vörðufells úr dómkirkjunni í Skálholti

Ný sýn til Vörðufells úr dómkirkjunni í Skálholti

Á fundi kjörstjórnar þjóðkirkjunnar 11. desember 2017 var tekin ákvörðun um að ógilda bæði tilnefninguna sem fram fór í ágúst sl. og kosninguna sem fram fór í haust.  Formaður kjörstjórnar fór á fund kirkjuráðs 12. desember 2017  og kynnti niðurstöðu kjörstjórnar fyrir kirkjuráði og lagði til nýja dagsetningu varðandi kosninguna, sem kirkjuráð samþykkti. 

 
Því liggur fyrir að kjörskrá verður lögð fram 19. janúar 2018.
Tilnefning hefst á hádegi 2. febrúar 2018 og lýkur á hádegi 7. febrúar 2018. Þá mun liggja fyrir, þau þrjú nöfn sem kjósa skal um, en útsending kjörgagna verður 9. mars 2018 og síðasti skiladagur verður 21. mars 2018. Atkvæði verða talin miðvikudaginn 28. mars 2018.
 
Ég ætla að sækjast eftir tilnefningu presta og djákna og síðan í kjölfarið að leita eftir stuðningi amk 500 kjörmanna svo ekki þurfi að kjósa á ný. Tilnefning er ekki vís og því þá síður kjörið. Enn á ný gefst tækfæri til að tilnefna og síðan kjósa á ný.
 

Og fólkið spyr kannski af hverju þetta þarf að fara allt í gagn á ný. Ástæðan er einföld. Kjörnefndarmann voru víða ekki kosnir skv. starfsreglum um kosningu biskups og vígslubiskupa og því ónýttist allt en úr því þarf að bæta fyrir 12. janúar 2018.

-sjá bókun kjörstjórnar

 
 
 
 
Birt í Vígslubiskupskjör | Færðu inn athugasemd

Bréf til þeirra sem kjósa vígslubiskup

Ég hef sent stuttan texta til hluta þeirra kjörmanna sem kjósa vígslubiskup og bæti því hér við svo fleiri sjái sem mega kjósa.
Ég, ásamt konu minni, var á förum í pílagrímagöngu á Spáni snemma morguns þess 27. september sama dag og kynningarfundur átti að vera í Háteigskirkju. Ekki var hægt að verða við þeirri beðni að flýta eða flytja þennan kynningarfund. Ég reiknaði með að sýna myndband sem ég hafði útbúið í stað kynningar. Hins vegar greip forsjónin inn í. Einn farþegi í breiðþotu WOW varð svo veikur að flugvélinni var snúið aftur til Keflavíkur eftir klukkustunda flug. Þar með féll öll plön síðar um daginn með flug frá París og gisting á Spáni. Við fórum því frá borði í Keflavík og töldum okkur betur stödd í Reykjavík en í París. Því gat ég mætt í Háteigskirkju en myndbandið er hér og geymir svar við þeim spurningum sem lagðar voru fyrir.
Bréf til AxelTilKjörmanna

Birt í Vígslubiskupskjör | Færðu inn athugasemd

Nokkur myndbönd

Ég hef sett undir síðufótinn Myndbönd- þarna á svörtu röndinni- nokkrar klippur frá kynningarfundum þeim sem haldnir hafa verið. Þessi myndbönd eru líka að finna á youtube.com undir axel njarðvík. Enn fremur eru þau að finna á facebook síðunni Axel Á. Njarðvík.

Birt í Vígslubiskupskjör | Færðu inn athugasemd

Bréfið sem sent var til þeirra sem máttu tilnefna

Skömmu áður en tímabil tilnefningar til kjörs vígslubiskups í Skálholti hófst, þá ritaði ég þetta bréf og sendi til flestra. Hér er texti bréfsins 
og sem pdf skjal:  Tilnefning Axels Árnasonar Njarðvík

—-

 

Birt í Vígslubiskupskjör | Slökkt á athugasemdum við Bréfið sem sent var til þeirra sem máttu tilnefna

Fyrsta myndbandið

Fyrsta  myndbandið birtist á FaceBooksíðu Vestfjarðarprófastsdæmis og einnig á FB  minni og hér
 

Birt í Vígslubiskupskjör | Færðu inn athugasemd

Hverjir fá að kjósa

Við kjör víglusbiskups (og biskup) kjósa prestar, djáknar og kjörnefndarmenn prestakalla í stiftinu (sjá nánar starfsreglur þar um). Í tilfelli Skálholts þá eru það 975 manns. Vandinn er hins vegar sá að ekki látinn í té listi þar um. Þeir sem eru í kjöri hafa því engar beinar leiðir að þessu fólki. 

Póstkosning fer af stað 28. september 2017 og henni lýkur 9. október 2017. Væntanlega verður síðan talið 13. otkóber. Ef atkvæðin falla þannig að enginn fær 50% atkvæða þá þarf að kjósa milli þeirra tveggja sem efstir eru. En við erum þrír í þetta skiptið sem þarf að kjósa um. 

Ef þú vilt komast á póstlista minn, þá bið ég þig að skrá þig hér.
Eins bið ég þig að gerast vinur minn á Facebook sem þú getir auðveldað þér valið.

Birt í Vígslubiskupskjör | Færðu inn athugasemd

Mig langar en aðrir ráða

Ég sagði frá því í fáum orðum á fundi presta í Suðurprófastsdæmi 1. febrúar 2017 að ég gæfi kost á mér til kjörs um að verða nýr vígslubiskup í Skálholti. 
Enn er óljóst eftir hvaða reglum kjörið fer fram. En tíminn er ekki langur og því rétt að láta fólk vita sem gæti tilnefnt og einnig þau öll sem kjósa. Guð láti vitja á gott.

Birt í Vígslubiskupskjör | Færðu inn athugasemd